افكار وتختيطات رمضانية ..

اهلين حبيبتي همس الطفولة .. نورتي موضوعي يا البي

اول شي شكرا كتير عالتثبيت ..

تاني شي بالنسبة لكلامك ( انك كل شهر رمضان بتختمي القران قراءة ) هادا شي كتير منيح وكتير حلو ..

و ازا ان شالله زبطت فكرتي وعجبت البنات رح نمشي عليها منيح ..

وانا شخصيا رح افتح موضوع في الفكرة ( موضوع لمسيرة القراءة ) وطبعا رح يكون في بداية الشهر ورح نمشي لنهاية الشهر بإذن الله تعالى ..

بس بدي احكيلك .. ممكن تطرحي فكرتك علينا عشان نتزود بأفكار ..

تحياتي الحارة لكِ ..

بارك الله فيكي يا محبة فلسطين موضوعك كتير حلو وانشاء الله كلنا منعمل فكرتك ومنحفظ القران
وانا عندي فكرة انو كل وحدة تحط سقاطة (حصالة) بصفها عشان البنات يصيرو يتبروعوا فيها وبنهاية رمضان بتعطيها لمربية الصف عشان توزعها للبنات الفقراء بالصف او تشترولهم اشي للعيد
شو رأيكم

حبيبتي همس الطفولة لما تيجيكي فكرة اطرحيها علينا رجاءا ..

بستنى افكارك الروعة ..

وحبيبتي dode فكرتك كتير حلوة وان شالله رح نمشي عليها ..

بس من هون لشهر رمضان رح نستنى البنات يوفوتوا ويطرحوا افكارهم لحتى نشوف شو الفكرة المناسبة ..

واحنا ان شالله مش رح نمشي على طول الشهر على فكرة وحدة او شي واحد بس ..

رح نختار اكتر من فكرة نمشي عليهم بالشهر ..

وكل فكرة رح يكون الها موضوع ..

يعني كل وحدة بتطرح فكرتها وفكرتها نجحت .. في بداية شهر رمضان رح تفتح موضوع بفكرتها ( طبعا حسب الفكرة المختارة ) ..

وان شالله الكل يفوت والكل يطرح افكاره المباركة ..

لحتى يمضي شهر رمضان المبارك علينا بخير ..

وبتمنى اني اكون وضحتلكم كل شي .. واللي عندو اي سؤال عن موضوعنا انا جاهزة ..

يا بنات وينكم .. وين التفاعل ؟؟

ترى قرب شهر رمضان المبارك .. يعني باقيلو بس 14 يوم .. اسبوعين بالزبط

بتمنى من كل البنات يفوتوا عشان يطرحوا افكارهم لأنو مو ضايل شي لرمضان ..

وانا فكرتي اللي فوق عن قراءة القران مش حفظو ..

يعني انا كنت بقصد انو كل يوم نقرأ جزء .. لأنو مش كل البنات بقدروا كل يوم يحفظوا جزء ويخلصوا القران حفظ بشهر فقط ..

انا كنت مخربطة لموضوعي وكاتبة اول شي حفظ .. بس عدلتو ..

بتمنى تكونوا فهمتوا أصدي .. وبرجع بقول ياريت كل البنااااات يفوتوا هون ويطرحوا افكارهم ..

هاد من زوقك حبيبتي وبدي اقول انو لو كل يوم برمضان قبل مانام نبدا نحفظ جزء عما وازا خلصنا نبدا بياسين متلا وهيك لحتى يخلص رمضان او نروح على مركز تحفيظ القران وممكن نروح على على درس ديني (الي بتعطي الواعظة)

حبيبتي برضو فكرتك حلوة انو نحفظ القران ..

بس انا كنت بدي اوضح عن فكرتي انها قراءة للقران ..

انا اللي قاهرني انو البنات ما فاتو عالموضوووع ..

يعني لو كل بنت بتفوت وبتعطي رأي او فكرة كان منختار افكار مناسبة ..

المشكلة انو بس انا وهمس الطفولة وانتي يا dode بالموضوع ..

بتمنى انو كل وحدة فيكم ازا بتعرف بنات تخليهم يفوتوا هوون ..

رمضان مش ضايلو الا 12 يوم بالزبط ..

فرجاءا البنات يفوتوا ..

عن جد اشي بقهر يعني بالمرة مافي مساهمات من البنات ورمضان مش ضايلو اشي

مرحبا همس ممكن تفهمينا اصدك انا ما فهمت اشي؟؟؟

اصدي يعني رح نزل موضوع برمضان سجل حضورك على السحور يعني بعد السحور تيسجلي انك تسحرتي

^ــ^

السام عليكم اخواتي آسفة لتأخري بالرد لكن الظروف لم تسمح لي بالدخلو على المنتدى

لدي فكرة سأأطرحها وهي:
قراءة حديث كل يوم منتفق عالحديث اللي بدنا اياه ومنقرأه ومنحاول نفسره بالمنتدى

ويكون في تذكير دائما

مشكورة اختي محبة فلسطين لجهودك

بتمنى تشوفي فكرتي

السلام عليكم ..

هادا الجدول رح يوضح الكم كل فكرة ومين اقترحها ..

وان شالله تستفيدو من تلخيصي ..

الفكرة : كاتبها :

قراءة جزء من القران في كل يوم ... محبة فلسطين

وضع حصالة في صفكي المدرسي للتبرع للفقراء ... dode

حفظ جزء من القران في كل يوم ... dode

الذهاب لمسجد او مركز ديني لسمع درس ديني ... dode

طرح موضوع لتسجيل حضورك اليومي بعد السحور ... همس الطفولة

قراءة حديث ( صحيح ) كل يوم وتفسيره في المنتدى ... *فتاة الإبداع*

وهاي هي الأفكار اللي البنات طرحوها ..

يعني لحد الآن صار عنا 6 افكار رمضانية ..

بتمنى انكم تكونوا استفدتوا من جدولي لتوضيح الأفكار ..

وبرجع بقول كل وحدة تحكي لصحباتها بالمنتدى يفوتوا على هادا الموضوع ويطرحوا افكارهم الرمضانية ..

وهلا بكون ضايل لرمضان 11 يوم ..

سائلين الله تعالى ان نمضي بشهر رمضان المبارك على خير ..

جويتي خيرا غاليتي لجهودك وبالنسبة لي رح اضيف منتدى خاص برمضان مؤقتا خلال شهر رمضان وبأذن الله رح انقل جميع المواضيع الخاصة برمضان عليه...

مشكورة مرة تانية

تحيتي وودي لكي

ماشي اختي بس ليش ما بنزيدهم ويصيروا جزئين
وانا عندي كتاب في وصاية الرسول كل يوم نكتب وصية

همس الطفولة كتب:

جزيتي خيرا غاليتي لجهودك وبالنسبة لي رح اضيف منتدى خاص برمضان مؤقتا خلال شهر رمضان وبأذن الله رح انقل جميع المواضيع الخاصة برمضان عليه...

مشكورة مرة تانية

تحيتي وودي لكي

بارك الله فيكي وفي جهودكي مديرتنا الغالبة ..

نشكرك كل الشكر لإضافتك مملكة خاصة بشهر رمضان المبارك ..

جزيتي خيرا أختي العزيزة ..

شذى الاسلام كتب:

ماشي اختي بس ليش ما بنزيدهم ويصيروا جزئين
وانا عندي كتاب في وصاية الرسول كل يوم نكتب وصية

ان شالله اختي ازا البنات قدروا .. ليش لا ؟

وفكرتك كتير حلوة واكيد زي ما بتعرفي لازم تفتحي موضوع فيها وان شالله البنات يتفاعلوا معك ..

بوركتي أختي الغالية ..

يا جماعة وين التفاعل ؟؟

رمضان قرب ومو باقيلو الا 4 ايام بالزبط ..

لحد الآن صار عنا 7 افكار رمضانية ..

نعتمدهم ولا لسا في عندكم كمان ؟؟

وبرجع بزكر اللي طرحوا افكار رمضانية انهم يفتحوا موضوع بأفكارهم ..

والمواضيع رح تنفتح قبل رمضان بيوم ..

يعني ان شالله كمان 3 ايام لازم تبلشوا تفتحوا مواضيعكم ..

عشان نبدأ مسيرتنا من أول يوم في شهر رمضان ..

تحياتي الحارة لكم ..

اوك ياعسل ان شاء الله رح ننزل المواضيع قبل رمضان

توكلي على الله

وانا من هلأ رح ابدأ انزل المواضيع

ورح خبر البنات لحتى ينزلو موضووع

اهلين هموستي ..

ما تنزلي هلا لحسن البنات يردوا عالمواضيع من هلا ..

نزلي من ابل شهر رمضان بيوم .. هيك يكون احسن

بس انا بدي اسأل .. نعتمد السبع افكار الموجودة ؟؟

يلا بنات ردولي جواب ..

محبة فلسطين كتب:

اهلين هموستي ..

ما تنزلي هلا لحسن البنات يردوا عالمواضيع من هلا ..

نزلي من ابل شهر رمضان بيوم .. هيك يكون احسن

بس انا بدي اسأل .. نعتمد السبع افكار الموجودة ؟؟

يلا بنات ردولي جواب ..

هلا حبيبتي لهلأ رح نعتمد السبع افكار هدول ولشهر رمضان منشوف شو بصير معنا يمكن ننزل افكار جديدة

...

تحيتي وودي لكي

اها فهمت عليكي هموستي ..

اوكي رح نعتمدهم .. بس منشوف ازا في افكار جديدة من هون لرمضان ..

يلا سلاااااام بنات ..

وكل عام وانتو بألف خير ..

انا هاذي هي فكرتي

الجلوس بعد صلاة الفجر إلى طلوع الشمس لذكر الله

شكرا لك يا محبة فلسطين عالموضوع الحلو

واتوقع انه راح يكون رمضان حلو

يسلمو يا قطر الندى على فكرتك الرائعة ..

واكيد بتفتحي موضوعي فيها انو كل واحد يكتب ازا مشى بالفكرة وذكر الله بعد السحور ..

وبتوقع يا بنات انو هاي اخر فكرة رح نستقبلها ..

لانو التوقعات انو بكرة الجمعة او بعد بكرة السبت رح يكون رمضان ..

فرجع بأكد على البنات انو كل وحدة تبلش بموضوعها من الآن ..

وكل وحدة تشرح وتفصل اكتر عن فكرتها بالموضوع ..

وهلا صار عنا 8 افكار رمضانية اذن لازم يكون في 8 مواضيع للأفكار الرمضانية ..

ونشكر لكم تعاونكم معنا وكل عام وانتم بألف خير ..

يا جماعة انا رح اكتب كل وحدة وشو فكرتها لحد الان ..

قراءة جزء من القران في كل يوم ... محبة فلسطين

وضع حصالة في صفكي المدرسي للتبرع للفقراء ... dode

حفظ جزء من القران في كل يوم ... dode

الذهاب لمسجد او مركز ديني لسمع درس ديني ... dode

طرح موضوع لتسجيل حضورك اليومي بعد السحور ... همس الطفولة

قراءة حديث ( صحيح ) كل يوم وتفسيره في المنتدى ... *فتاة الإبداع*

كتابة وصية من وصايا الرسول في كل يوم في المنتدى .. شذى الإسلام

الجلوس بعد السحور من أذان الفجر وحتى طلوع الشمس لذكر الله سبحانه وتعالى .. قطر الندى

وهاي هي الأفكار الرمضانية المعتمدة لحد الآن وهي 8 أفكار ..

وكل عام وانتم بألف خير ..

شكراا لكم أفكاركم رائعة جدااا

دمتم في رعاية الله

مرورك نورلنا صفحتنا ..

اول شي مبارك انضمامك معنا في منتدانا هذا بما انك عضوة جديدة ..

تاني شي كل عام وانتي بخير بمناسبة حلول الشهر المبارك علينا ..

تالت شي ليش ما تنضمي النا وتشاركينا بأفكارنا ..

اكيد بتقدري تطرحي فكرة هون وبعدين افتحي فيها موضوع عشان البنات يمشوا معك فيها ..

يسلمو اختي وان شالله تنبسطي معنا في المنتدى ..

السلام عليكم ..

اخواتي الكريمات لدي فكرة اضافية ..

ورح افتح فيها موضوع ان شاء الله ..

وهي انو كل وحدة بعد ما ترجع من صلاة التراويح تدخل على موضوع سجلي حضورك بعد صلاتك التراويح واتسجل انها صلتها ..

ونشوف تفاعلكم ونشاطكم مع صلاة التراويح ..

ويا بنات رجاءا بدنا تفاعل منكم ..

وكل عام وانتم الى الرحمن اقرب ..

أفكاركم كلهااااااا رووووووووووووعة ..

يسلمووووو

اهلين اختي والله انتي اروع ..

ازا بدك تفيدينا بفكرة من عندك روحي على موضوع العشر الأواخر من رمضان واطرحي فكرة لليلة القدر ..

وبرضو بتستفيدي من افكار البنات المطروحة ..

الله يجزيكي كل خير على مرورك معنا ..